PANELA. VAUBAN La Corderie

VAUBAN la corderie

VAUBAN

Proiektua Vauban auzoan kokatzen da, La Corderie boulevard-aren parean dagoen espazio residualean, erabilera eta bizitza gabekoa. Asmoa, eremuak aurrerago izandako bizitza eta izaera propioa berreskuratzea da, parteartze aktibo baten ondorioz. Horretarako fase ezberdinak zehaztu dira:

1. Egungo egoera kaxkarra hobetzearren ,lehenengo egin beharra, eremuan eta eraikinean zenbait zulapen egitea da. Zulapen hauek guneraren higiene arazoak eta eguzkitzapen/aireztapen arazoak soluzionatzea dute helburu, hurrengo faseen aurrekari eta baldintzak ezartzearekin batera.

2. Bigarren fase hau berhaztea da, aurreko fasean hustutze lana egin ondoren eraikina berriro hazten delako. Orain bai, egoera eta baldintza onetan, inguruarekin elkarlanean, espazio berriak sortuz eta kaleari izaera berri bat emanez.
Berhazte honekin batera kota, eraikin eta gune ezberdinak elkarlotzeko konexio puntu indartsu bat kokatuko da, hurrengo faseetan eremua hazten jarraitzeko aukera berriak irekiz.

3. Behin konexio puntua egina, aparkaleku gaineko gunea okupatzen doa, jendeak espazioa berea egiten du eta horrekin batera eraikinak sortzen dira izaera bat emanez lehen espazio residuala zen guneari. Honela sobreexplotatutako eraikina hustutzen doa bere erabilerak kanpora aterata, eremu osoan sakabanatuz eta guztia nibelatuz.

4. Eraikina hustutzen doan heinean, kale paralelo bat sortzen da atzekalde eta aurrekaldearen konexio gisa. Honek hurrengo fasean jaraipena izateko aukera du, konexio puntuaren beste aldearekin bat egin arte.
Azkenengo fase hontan eremua betetzea da helburua. Espazio publikoez betetzea, erabilera anitzez betetzea, eraikinez betetzea. Aurreko faseek azken honen aurrekariak ezarri dituzte, irekitako kale paraleloak jarraipena izango du espazio publiko baten bitartez eta hasierako eraikinetik ateratako erabilerak bere tokia hartuko dute kalearen segida osoan, atzekalde eta aurrekaldearen arteko konexioa sortuz. Erabilera hauek jendea erakarriko dute, espazioa berea eginik. Orokorrean Vauban osoari bizitza eta izaera berriro emanez.
Nahiz eta azken fasea deitu, fase hau mugagabea da, ez baita mugarik ezartzen, ezta espazio zehatz batek izan behar duen erabilerarik. Espazio gustiak moldakorrak dira jendearen beharren arabera, bai formaz, erabileraz eta izaeraz.

BOLUMETRIA ETA ERABILERAK

La Corderie eraikinak funtzio garrantzitsu bat betetzen du auzoan, eskola, zaharren egoitza, laguntza sozialen zentroa, tailler anitzak, bertan kokatzen dira. Ekintza gehiegi ematen dira barnean duen tamainarako, esan genezake eraikina saturatua dagoela, ez du arnasa hartzen. Erabilerek hartzen duten bolumena aztertuz ohartu gara eraikina eta inguruko espazioen funtzio-namendu onerako aldaketa batzuk beharrezkoak direla. Erakina hustu, erabilerak eta piezak kenduz.

PROPOSAMENAREN OIN OROKORRA

KONEXIO GUNEA

Eremuaren erdigueari garrantzia eman zaio konexio gune nagusi bihurtuz. Fase ezberdinetan sorturiko eraikinak eta espazioak euren artean lotzeko. Proiektu osoaren pieza garrantzitsuena da, eremuari funtzionaltasuna ematen baitio.  Espazio hau guztiz librea izango da, eremuaren bi guneen arteko loturaren jarraitasuna emateko, baita kota ezberdinetako puntak batzeko ere.

EBAKETA OROKORRA

La Corderie eraikinak funtzio garrantzitsu bat betetzen du auzoan, eskola, zaharren egoitza, laguntza sozialen zentroa, tailler anitzak, bertan kokatzen dira. Ekintza gehiegi ematen dira barnean duen tamainarako, esan genezake eraikina saturatua dagoela, ez du arnasa hartzen.

Erabilerek hartzen duten bolumena aztertuz ohartu gara eraikina eta inguruko espazioen funtzionamendu onerako aldaketa batzuk beharrezkoak direla. Erakina hustu, erabilerak eta piezak kenduz.

ERABILERAK

Erabileraren arabera eraikinaren ebaketak ezberdindu ditugu. Erabilera bakoitzari beharrezko trataera emanez fatxadan eta barne distribuzioan
Horretarako eraikinaren orientazioa kontuan hartu da, hegoaldeari begira dagoen fatxadari itzalak sortzeko elementuez baliatuz eta material ezberdinak erabiliz barne eta kanpo fatxadetan.

FATXADA

ERABILERA eta KONEXIOAK ZEHAZTEN

KONEXIOAK

Konexio puntu bertikal nagusi bat sortu dugu kota guztietan loturak bermatzeko, bai eta eraikinari eta barne espazioei sarrera emateko. Hau izango da erabilera eta eraikin guztien topagunea.

ERABILERAK 

Erabileraren arabera eraikinaren ebaketak ezberdinidu ditugu. Erabilera bakoitzari beharrezko trataera emanez fatxadan eta barne distribuzioan
Horretarako eraikinaren orientazioa kontuan hartu da, hegoaldeari begira dagoen fatxadari itzalak sortzeko elementuez baliatuz eta material ezberdinak erabiliz barne eta kanpo fatxadetan.
Kanpo fatxada, kale nagusiari begiratzen diona, altzairuzko igokari bertikalez osatzen da atzekaldeko beiratea heltzen duena eta tartean, behar duten erabileretan, xafla horizontal mugikorra izanik,
beharrezko itzal eta pribatutasun maila bermatzeko.
Barne fatxada, irekitako bigarren mailako kaleari begiratzen diona, zurezko elementuez osatzen da, kutsu familiarragoa bat emateko nahian.Eskailerak, barandilak, esertokiak eta pasarelak nabarmentzen dira batez ere barne kale hontan, eguzki izpien aurkako babes toldoekin alderatuz.

ESPAZIOAK ERALDATZEN

Bideo interesgarria espazioetan interbentzio txikiekin lortu daitezkeen eraldaketak erakusten dituena.

"Un joc en un lloc"
   Universitat Internacional de Catalunya (Bartzelona) 
   Taller Vertical ´08

LA CORDERIE LE VAUBAN

la MACHINE À EAU

Gure proiektuaren helburua hondartza kale honetara gerturatzea izan da, modulu desberdinen bitartez erabilera berriak emanez, bizigarriagoa eginez. Ideia nagusia uraren makina erraldoi bat antolatzea da. Horretarako, bi modulu mota erabili ditugu: bata mugikorra eta aldakorra, hau da itxi eta irekitzeko aukera emango duena eta baita etxeetara gerturatu edo urrutiratzekoa ere; eta bestea finkoa. Azken honetan, igerilekuak kokatuko dira udan edo garai beroetan eta bestela jardinera edo baratzak. Harresi eta gainontzeko elementuen arteko lotura tutueriak egingo du, euri urak jaso eta kale osoa freskatzeko zein igerilekuak betetzeko erabiliko delarik.

Kalearen izaera aldatzen doa urtaro ezberdinetan zehar, Hala ere Marsellan ez dagoenez hainbesteko diferentzia lau urtaroen artean, bi egoera ezberdin sortu ditugu: udaberri-udarako eta udazken-negurako.  Eguna eta gauaren artean ere ematen da aldaketa kalean. Egunean udara aldean, eguzkia eta beroa nagusi direnean, kalea ur makinaren bitartez Marsellako gune freskagarriena bihurtzen da. Moduluak eta igerilekuak luzera guztian zehar tartekatzen dira zipristinak botatzen dituzten tutuetaz zintzilikaturik. Gauen, aldiz, moduluak afaltzeko eta festarako gune paregabetan eraldatzen dira, eta igerilekuak argi kubo handietan. Udazken-neguan zehar, tenperaturak jeixten direnean, pistinak lorategi-baratza bihurtzen dira moduluak lorategi-eskegi hauen inguruan muituz.  

 Eguraldi onarekin, eguneroko jarduerak burutzeko erabili ahalko dira moduluak: otorduetarako, ospakizunetarako, ...

 Igerilekuak prest daudenean, eguzkia hartzeko, aldagela gisa edota toldo modura erabili ahalko dira moduluak, izan ere, pertsianei esker bertan sartzen den eguzki izpi kopurua regulatu ahalko da.

Udako beroa jasaten den gainontzeko urtaroetan, igerilekuak beharrean jardinerak antolatuko dira fruta zuhaitz, landare eta baratzekin. Moduluak lagungarri gertatuko dira lanerako tresnak eta bildutakoa bertan gordetzeko.

Gaua sartzerakoan eta eguneko umeen gorabeherak joaterakoan, moduluak Marsellako gau lasai eta distiratsuaz disfrutatzeko afarileku eta etzateko guneetan eraldatzen dira.

Igerilekuaren moduluak harresi eta etxebizitzen arteko lotura egiten du tutueria eta baita alde batean koaturiko pasarelaren bitartez. Udako egun beroetan refreskatzeko zein kirola egiteko, bertako bizilagunentzat zuzendutako elementua.

Eguraldia aldeko ez den kasuetan, moduluak lurrez bete eta sakonera handia daukanez, barazkiak, loreak zein zuhaitzak landatu ahal izango dituzte. Beren produktu propioak lortuko dituzte honela.

Kalean sortzen diren sentszio ezberdinak toki ezberdinetatik islatuta.

PANELA

ESTRATEGIA